MA. BI. 2nd Class 2080

शिक्षक सेवा आयोग

आन्तरिक प्रतियोगितात्मक बढुवा परीक्षा २०८०

तह : माध्यमिक
श्रेणी: द्वितीय

पूर्णाङ्क : ६०
समय: २ घण्टा २० मिनेट

विषयगत प्रश्नपत्र

तलका सबै प्रश्नहरु हल गर्नुहोस् ।

१. सार्वजनिक विद्यालयमा हुने सामाजिक परीक्षण र सार्वजनिक सुनुवाइको विद्यमान अभ्यासको समीक्षा गर्दै यसको कार्यान्वयनबाट विद्यालय र समुदायको सम्बन्ध, सुशासन, उत्तरदायित्व एवम् विद्यालय सुधारमा पुग्ने योगदान विषयमा विवेचना गर्नुहोस् । ५+५

२. कोभिड-१९ का कारण मुलुकभरि पटक-पटक गरी १५ महिना भन्दा बढी विद्यालयहरू बन्द भए । उक्त समयमा कक्षा ७ मा भर्ना भएका विद्यार्थीहरू हाल कक्षा ९ मा पढ्दैछन् । कतिपय विद्यालयमा कक्षा ७ कै न्यूनतम सक्षमता हासिल नभै विद्यार्थीहरू कक्षा ९ मा पुगिसकेका हुन सक्छन् । यस्तो अवस्थाका विद्यार्थीहरूलाई एउटा शिक्षकका नाताले तपाईं कसरी शिक्षण गर्नुहुन्छ ? विद्यार्थीको स्तर पत्ता लगाई शिक्षण सिकाइ सुधार गर्न उपयुक्त हुने रणनीतिक सुझावहरू प्रस्तुत गर्नुहोस् । ५+५

३. विद्यालय शिक्षाको राष्ट्रिय पाठ्यक्रम प्रारूप, २०७६ (संशोधन २०७९ सहित) मा भएको व्यवस्था बमोजिम स्थानीय पाठ्यक्रमका प्रावधानका बारेमा चर्चा गर्नुहोस् । राष्ट्रिय पाठ्यक्रम र स्थानीय पाठ्यक्रमका बीचका भिन्नतालाई बुँदागत रुपमा प्रस्तुत गर्नुहोस् । ४+६

४. विगत केही वर्षदेखि नेपाल सरकारले एक स्थानीय तह एक प्राविधिक शिक्षालयको अवधारणा कार्यान्वयनमा ल्याएको छ । स्थापनाको समयमा सामुदायिक विद्यालय नै सक्रिय भएर सञ्चालनमा ल्याएको प्राविधिक धारमा हाल विद्यार्थी सङ्ख्या कम भएर समस्या सिर्जना भएको गुनासो सुन्न थालिएको छ । यस्तो अवस्थामा प्राविधिक धारको शिक्षालय सम्बन्धी नीतिगत व्यवस्थाको चर्चा गर्दै प्रभावकारी कार्यान्वयनको लागि उपयुक्त सुझाव प्रस्तुत गर्नुहोस् । ५+५

५. नेपालमा शिक्षक व्यवस्थापन तथा पेशागत विकासको कार्यान्वयन अवस्थाको समीक्षा गर्नुहोस् । सो का चुनौतीहरू पहिचान गरी समाधानका उपायहरू प्रस्तुत गर्नुहोस् । ३+३+४

६. नेपालमा आधारभूत तहको विद्यार्थी मूल्याङ्कन प्रक्रियालाई सुधार गरी सिकाइ उपलब्धि सुधार गर्ने उद्देश्यले निरन्तर मूल्याङ्कन प्रणाली लागू गरिएको पनि झण्डै दुई दशक पूरा भएको छ । विद्यालय तहको विद्यमान पाठ्यक्रमले पनि विद्यार्थी मूल्याङ्कनलाई सिकाइ क्रियाकलापको अभिन्न अङ्गका रूपमा विकास गरी सिकाइ सुधारका लागि प्रयोग गर्ने लक्ष्यसहित निरन्तर मूल्याङ्कन र पृष्ठपोषण प्रणाली स्थापित गर्ने व्यवस्था गरेको छ । यस्तो अवस्थामा नेपालको विद्यालय तहको विद्यार्थी मूल्याङ्कनको विद्यमान प्रावधान तथा अभ्यासको संश्लेषण गर्नुहोस् । यसमा देखिएका समस्याहरू पहिचान गरी समाधानका लागि बुँदागत रुपमा सुझाव दिनुहोस् । ४+३+३

समाप्त

---

शिक्षक सेवा आयोग

आन्तरिक प्रतियोगितात्मक बढुवा परीक्षा २०८०

तह : माध्यमिक
श्रेणी : द्वितीय
समय : ४० मिनेट

सेट : B
पूर्णाङ्क : ४०

वस्तुगत प्रश्नपत्र

उम्मेदवारले आफ्नो प्रश्नपत्रको माथि दायाँतर्फ बक्सभित्र दिइएको सेट (A, B, C वा D मध्ये कुनै एक) वस्तुगत बहुवैकल्पिक उत्तरपुस्तिका (OMR Sheet) को निर्दिष्ट स्थानमा अनिवार्य रूपमा उल्लेख गर्नु पर्नेछ । सो उल्लेख नगरेमा वा सो बाहेकका अन्य सङ्केत लेखेमा उत्तरपुस्तिका रद्द हुनेछ । साथै, सही उत्तरलाई वस्तुगत बहुवैकल्पिक उत्तरपुस्तिकाको निर्दिष्ट कोठा (A, B, C वा D मध्ये कुनै एक) मा कालो मसीले भर्नु पर्नेछ ।

१. विद्यालय सामाजिक परीक्षण मापदण्ड, २०७८ बमोजिम सामाजिक परीक्षण समितिले सामाजिक परीक्षण गराउनुपूर्व गठन गर्ने प्राविधिक उपसमितिको संयोजक को रहने व्यवस्था छ ?

A. प्रधानाध्यापक

B. समितिबाट मनोनीत विज्ञ

C. प्रधानाध्यापकले तोकेको शिक्षक

D. सम्बन्धित वडा अध्यक्ष

२. महामारी तथा विपत्को समयमा विद्यालयमा सिकाइ कार्यको निरन्तरताका लागि देहायकामध्ये कुन तरिका कम उपयोगी मानिन्छ ?

A. दूर माध्यमको उपयोग बढाउने

B. घरपरिवारको संलग्नता बढाउने

C. समावेशीकरण र समन्यायिक उपाय अवलम्बन गर्ने

D. घरपरिवार भेटघाट बढाउने

३. लाभग्राही एवम् सरोकारवालाहरूको प्राथमिकतामा जोड दिने शैक्षिक योजनाको उपागम कुनचाहिँ हो ?

A. सामाजिक माग

B. जनशक्ति आवश्यकता

C. लागत प्रतिफल

D. अवशिष्ट

४. विद्यालयमा भाषिक विविधतालाई सम्बोधन गरी शैक्षिक न्याय दिन देहायकामध्ये कुनचाहिँ तरिका सबैभन्दा बढी प्रभावकारी मानिन्छ ?

A. शिक्षामा मातृभाषाको प्रयोग कम गर्ने

B. बहुभाषिक शिक्षा पद्धति अवलम्बन गर्ने

C. निश्चित भाषामा पठनपाठनको व्यवस्था मिलाउने

D. सीमित भाषामा पाठ्यसामग्री विकास गर्ने

५. नेपालको विद्यालय तहको एकीकृत शैक्षिक व्यवस्थापन सूचना प्रणालीमा तथ्याङ्कको स्रोत (Source of data) को रुपमा तलकामध्ये कुनलाई लिइन्छ ?

A. विद्यालय

B. स्थानीय तह

C. शिक्षा तथा मानव स्रोत विकास केन्द्र

D. शिक्षा, विज्ञान तथा प्रविधि मन्त्रालय

६. आधारभूत तहको कक्षा १-३ को एकीकृत पाठ्यक्रमको प्रभावकारी कार्यान्वयनका लागि तलकामध्ये कुन शैक्षणिक व्यवस्थापनमा कक्षा सञ्चालन गर्नु सबैभन्दा उपयुक्त हुन्छ ?

A. विषय शिक्षण

B. बहुकक्षा शिक्षण

C. बहुकक्षा बहुस्तर शिक्षण

D. कक्षा शिक्षण

७. शिक्षण सिकाइ क्रियाकलाप सञ्चालनको क्रममा प्रयोग गरिने निर्देशन र परामर्शका विभिन्न चरणहरूमध्ये पहिलो चरण कुन हो ?

A. समस्याको पहिचान

B. लक्ष्य निर्धारण

C. सम्बन्ध स्थापना

D. परामर्श

८. देहायकामध्ये कुन पक्षको व्यवस्थापनमा कक्षाकोठामा विद्यार्थीको परिचालन सहज र उपयुक्त हुन्छ ?

A. मनोवैज्ञानिक व्यवस्थापन

B. द्वन्द्व व्यवस्थापन

C. शैक्षिक सामग्री निर्माण र व्यवस्थापन

D. बालमैत्री वातावरण व्यवस्थापन

९. सिगमण्ड फ्रायडको मनोविज्ञान सिद्धान्त अनुसार बाल विकासको पहिलो चरणलाई के भनिन्छ ?

A. मुखाकृत (Oral)

B. गुदद्वार (Anal)

C. गुप्त (Latency)

D. लैंगिक (Genital)

१०. शास्त्रीय सम्बन्ध प्रत्यावर्तनको सिद्धान्त बमोजिम कुनै प्राणीलाई खाना र घण्टीसँगै दिई र्याल निकाल्न लगाइयो । पछि खानाविना नै घण्टी बजाउँदा पनि र्याल निकाल्न उक्त प्राणीलाई अभ्यस्त बनाइयो । यसलाई सिकाइको भाषामा के भनिन्छ ?

A. उद्दीपक विभेदीकरण

B. उद्दीपक सामान्यीकरण

C. शून्यको अवस्था

D. सिकाइमा आकस्मिक प्राप्ति

११. कुनै विद्यार्थीको ब्याडमिन्टन खेल्ने सिप टेनिस खेलमा रूपान्तरण गर्न सकेमा त्यस्तो सिपलाई के भनिन्छ ?

A. बलपूर्ण रुपान्तरण

B. नकारात्मक रुपान्तरण

C. स्वैच्छिक रुपान्तरण

D. सकारात्मक रुपान्तरण

१२. विद्यालय तहमा बहुपाठ्यपुस्तक नीति कार्यान्वयन गरिएमा हुने फाइदा अन्तर्गत नपर्ने भनाइ कुनचाहिँ हो ?

A. प्रतिस्पर्धात्मक पाठ्यपुस्तक विकास भई पाठ्यपुस्तकको गुणस्तर सुधारमा सहयोग पुग्ने

B. लेखक तथा प्रकाशकको क्षमता विकासमा सहयोग पुग्ने

C. सिकाइलाई पाठ्यक्रम केन्द्रित गर्न सहयोग पुग्ने

D. एउटै विद्यार्थीले एकभन्दा बढी पाठ्यपुस्तक प्रयोग गर्न सक्ने

१३. माध्यमिक शिक्षा पाठ्यक्रम, २०७८ (कक्षा ९-१०) अनुसार प्राविधिक धारका विषयगत विषयको सिकाइ सहजीकरण क्रियाकलाप गर्दा सैद्धान्तिक र प्रयोगात्मक/व्यावहारिक/कार्यथलो अभ्यासमा क्रमशः कति कति प्रतिशत कार्यघण्टा विभाजन गरिएको छ ?

A. ७० र ३० प्रतिशत

B. ६० र ४० प्रतिशत

C. ५० र ५० प्रतिशत

D. ४० र ६० प्रतिशत

१४. २१ औं शताब्दीका सिकाइ सिपहरूलाई अंग्रेजीमा 4 Cs (Critical thinking, Creative thinking, Communication, Collaboration) भनिन्छ । यी सिपले विद्यार्थीहरूलाई सिक्नमा अभिप्रेरित गर्न महत्वपूर्ण भूमिका खेलेका हुन्छन् । तलका कुन सिप सृजनात्मक विचार (Creative thinking) सँग मिल्दछ ?

A. मस्तिष्क झन्झा (Brain storming)

B. दौतरी सिकाइ (Peer learning)

C. छलफल (Discussion)

D. भूमिका निर्वाह (Role play)

१५. तलकामध्ये कुन बुँदा समावेशी शिक्षाको अवधारणासँग सबैभन्दा मिल्दोजुल्दो छ ?

A. अनौपचारिक तरिकाले विद्यार्थीले सिक्न सक्ने गरी सहजीकरण गरिने व्यवस्थापन

B. अपाङ्गता भएका र नभएका बालबालिकालाई सँगै राखेर गरिने सिकाइ वातावरण व्यवस्थापन

C. अपाङ्गता भएका बालबालिका लक्षित सिकाइ वातावरण व्यवस्थापन

D. बालबालिकामा हुने शारीरिक, मानसिक, सांस्कृतिक विविधता अनुकूलको सिकाइ वातावरण निर्माण

१६. अपाङ्गता भएका व्यक्तिहरूको अधिकारसम्बन्धी महासन्धि, २००६ मा भएको शिक्षासम्बन्धी प्रावधान कुन हो ?

A. समान पाठ्यक्रम तथा परीक्षा, समान मान्यता र गुणस्तरका विद्यालय तथा उपकरण

B. छात्रवृत्ति तथा अध्ययन सहायताबाट लाभान्वित हुने समान अवसर

C. व्यक्तिको आवश्यकतानुसार विभिन्न पक्षमा उचित समायोजन

D. विद्यालय छाड्ने दर घटाउने एवम् छाडेकाहरूलाई विशेष कार्यक्रम

१७. विद्यालयमा सूचना तथा सञ्चार प्रविधिको प्रयोग सम्बन्धी निर्देशिका अनुसार शिक्षामा सूचना तथा सञ्चार प्रविधिको प्रयोगको निमित्त पाठ्यक्रम तथा पाठ्यपुस्तकमा आधारित डिजिटल शिक्षण सिकाइ सामग्री तयार गर्ने जिम्मेवारी तलकामध्ये कुन निकायको हो ?

A. पाठ्यक्रम विकास केन्द्र

B. स्थानीय तह

C. शिक्षा तालिम केन्द्र

D. शिक्षा तथा मानव स्रोत विकास केन्द्र

१८. विद्यालय तहको वर्तमान पाठ्यक्रममा सबै कक्षाका विद्यार्थीहरूलाई व्यवहारकुशल सिपहरू (Soft skills) हासिल गराउनु पर्ने कुरा उल्लेख छ । विद्यार्थीहरूमा यस्ता व्यवहारकुशल सिपहरू कसरी विकास गराउन सकिन्छ ?

A. अलग्गै समयमा यसका विषयवस्तु शिक्षण गरेर

B. विषयवस्तु सिकाइका क्रममा यस्ता सिपहरू समावेश हुने क्रियाकलाप छनोट गरेर

C. यस्ता सिपका लागि स्रोत शिक्षक बोलाएर प्रवचन गराएर

D. पाठ्यक्रममा समावेश भएका यस्ता सिपहरू शिक्षण गरेर

१९. शिक्षा क्षेत्रमा अभिभावक शिक्षाको महत्व र आवश्यकता मुख्य रुपमा किन पर्दछ ?

A. समुदायमा व्यावसायिक सिप विकास गर्न

B. अभिभावकलाई आयआर्जनका क्रियाकलापमा सहभागी गराउन

C. विद्यालयमा भर्ना दर तथा विद्यार्थी नियमितता वृद्धि गर्न

D. शिक्षकहरूलाई प्राविधिक सहयोग उपलब्ध गराउन

२०. संयुक्त राष्ट्रसङ्घीय दिगो विकास लक्ष्य-४ अन्तर्गत प्राथमिक र माध्यमिक शिक्षा सम्बन्धमा सन् २०३० सम्ममा के कस्तो लक्ष्य हासिल हुने अपेक्षा राखिएको छ ?

A. सबै बालबालिकाले निःशुल्क, समतामूलक र गुणस्तरीय प्राथमिक तथा माध्यमिक शिक्षा पूरा गर्ने सुनिश्चितता

B. प्राथमिक तहमा सर्वसुलभ पहुँच र माध्यमिक तहमा सहज पहुँचको सुनिश्चितता

C. निःशुल्क प्राथमिक शिक्षा सुनिश्चित भई माध्यमिक शिक्षाको अवसर विस्तार भएको हुने

D. प्राथमिक शिक्षा अनिवार्य र निःशुल्क भई निःशुल्क माध्यमिक शिक्षामा पहुँच सुनिश्चित हुने

२१. वर्तमान सन्दर्भमा विद्यालय सुपरिवेक्षण अन्तर्गत शिक्षकलाई सहायता गर्ने प्रमुख दायित्व कसको हुने गर्दछ ?

A. प्रदेश शिक्षा तालिम केन्द्रका प्रशिक्षकहरु

B. विद्यालय व्यवस्थापन समितिको अध्यक्ष

C. स्थानीय तहको शिक्षा अधिकारी

D. प्रधानाध्यापक

२२. नवनियुक्त शिक्षकलाई कार्यस्थलमा अनुभवी र विषय विज्ञको मार्गदर्शनमा विषयसम्बन्धी आधारभूत शैक्षणिक सिपहरू विकास गर्ने विधि कुन हो ?

A. सेवा प्रवेश तालिम

B. मेन्टरिङ

C. स्वनिर्देशित सिकाइ

D. कष्टमाइज्ड तालिम

२३. तलका कुनचाहिँ नेतृत्व शैलीमा नेता र अनुयायीको शक्तिको अवस्था लगभग समान रहन्छ ?

A. निरङ्कुश शैली (Autocratic style)

B. प्रजातान्त्रिक शैली (Democratic style)

C. स्वतन्त्र शैली (Laissez faire style)

D. अभिभावकीय शैली (Paternalistic style)

२४. परियोजनामा आधारित सिकाइको सम्बन्धमा देहायका मध्ये कुनचाहिँ भनाइ ठिक छ ?

A. परियोजना कार्य कक्षाकोठाभन्दा बाहिरमात्र हुन्छ ।

B. परियोजना कार्य कक्षाकोठामा नै सीमित हुन्छ ।

C. परियोजना कार्य कक्षाकोठा भित्र वा कक्षाकोठा बाहिर वा दुवैमा हुन सक्छ ।

D. परियोजना कार्यको उपलब्धि त्यसको प्रतिफलका आधारमा मात्र कायम गरिन्छ ।

२५. माध्यमिक शिक्षामा विद्यार्थी केन्द्रित र बालमैत्री शिक्षण विधि अपनाउन शिक्षकलाई निर्देशित गरेको माध्यमिक शिक्षा पाठ्यक्रम (कक्षा ९-१०), २०७८ ले अपेक्षा नगरेको शिक्षकको भूमिका तलकामध्ये कुनचाहिँ हो ?

A. सहजकर्ता

B. खोजकर्ता

C. निर्देशक

D. प्रवर्द्धक

२६. समालोचनात्मक चिन्तनमा ABC Framework को प्रयोग गर्दा Anticipation चरणमा तलका मध्ये कुनचाहिँ पर्छ ?

A. पूर्वज्ञानको लेखाजोखा गर्ने

B. पाठका बारेमा प्रश्न सोध्ने

C. मुख्य विचारको सारांश निकाल्ने

D. सिकाइको लेखाजोखा गर्ने

२७. हाल माध्यमिक शिक्षा परीक्षा (SEE) मा कार्यान्वयनमा ल्याइएको लेटर ग्रेड परीक्षामा 'C' को व्याख्या कसरी गरिएको छ ?

A. Satisfactory

B. Acceptable

C. Good

D. Basic

२८. विशिष्टीकरण तालिकाको सम्बन्धमा तलकामध्ये कुनचाहिँ भनाइ सबैभन्दा कम महत्वपूर्ण छ ?

A. मापनको साधन निर्माणमा एकरूपता कायम गर्न सघाउँछ ।

B. परीक्षणको साधन निर्माणमा मार्गदर्शन गराउँछ ।

C. परीक्षणको साधनमा विषयवस्तुको वैधता सुनिश्चित गर्न सघाउँछ ।

D. कक्षाकोठाको शिक्षण सिकाइ यसबाटै निर्देशित हुन्छ ।

२९. विद्यार्थीको सिकाइ क्षमता कुन स्तरको छ भनी मूल्याङ्कन गर्न कुन साधन सबैभन्दा बढी उपयुक्त हुन्छ ?

A. रुब्रिक्स

B. मौखिक प्रश्न

C. लामो उत्तर आउने प्रश्न

D. रुजू सूची

३०. विद्यालय शिक्षकका लागि कार्यमूलक अनुसन्धानको कम प्रभावकारी प्रयोजन देहायका मध्ये कुनचाहिँ हो ?

A. कार्य सम्पादन स्तरमा सुधार

B. उच्च शैक्षिक उपाधिको प्राप्ति

C. प्रभावकारी शिक्षण सिकाइको नमुना विकास

D. पेशागत दक्षता अभिवृद्धि

३१. मामला अध्ययनका सम्बन्धमा तलकामध्ये कुन भनाइ सही हो ?

A. शिक्षक आफैँले अनुसन्धान गरी नतिजाको प्रयोग समेत गर्दछन् ।

B. यसमा योजना, कार्यान्वयन, अवलोकन तथा प्रतिविम्बन गरी चार चरण हुन्छन् ।

C. कुनै समस्या सुधार नभएसम्म चक्रीय रुपमा विभिन्न रणनीतिको प्रयोग गर्दै सञ्चालन गरिन्छ ।

D. कुनै घटनाको गहिराइमा पुगेर अध्ययन गरी वास्तविकतात उजागर गरिन्छ ।

३२. तपाईंले डाउन सिन्ड्रम भएको कुनै एक बालकको निमित्त उपयुक्त शैक्षिक योजना बनाउने प्रयास गर्दै हुनुहुन्छ भने तलका मध्ये कुन खालको अध्ययन गर्नुहुन्छ ?

A. सहभागितामूलक अवलोकन

B. मामला अध्ययन

C. सर्वेक्षण

D. गहन अन्तर्वार्ता

३३. नेपाल सरकारको चालु आ.व. २०८०/८१ को नीति तथा कार्यक्रममा शिक्षाको सन्दर्भमा देहायको मध्ये कुन बुँदा समावेश गरिएको छ ?

A. दिवा खाजा कार्यक्रम आवश्यकताका आधारमा वितरण गरिनेछ ।

B. विपन्न लक्षित छात्रवृत्तिको रकममा वृद्धि गरिनेछ ।

C. विद्यार्थी मूल्याङ्कनको राष्ट्रिय मापदण्ड तर्जुमा गरिनेछ ।

D. विद्यालय शिक्षामा देखिएका समस्या समाधानका लागि उच्चस्तरीय शिक्षा आयोग गठन गरिनेछ ।

३४. नेपालमा कार्यान्वयन गरिएको विद्यालय क्षेत्र सुधार कार्यक्रम (SSDP, सन् २०१६-२०२१) का उपलब्धिहरू तुलना गर्दा सबैभन्दा कम उपलब्धि केमा भएको देखिन्छ ?

A. गुणस्तर

B. पहुँच

C. समावेशिता

D. पाठ्यक्रम सुधार

३५. राष्ट्रिय शिक्षा नीति, २०७६ ले आधारभूत तहमा अध्यापन गरिने विषयहरूमध्ये कुन विषयलाई अंग्रेजी भाषामा पनि अध्यापन गर्न सकिने व्यवस्था गरेको छ ?

A. स्वास्थ्य तथा शारीरिक शिक्षा

B. स्थानीय विषय

C. सामाजिक अध्ययन

D. विज्ञान

३६. स्थानीय सरकार सञ्चालन ऐन, २०७४ बमोजिम स्थानीय सरकारको काम, कर्तव्य अन्तर्गत नपर्ने विषय देहायको मध्ये कुनचाहिँ हो ?

A. पाठ्यक्रमको मापदण्ड

B. विद्यालयको नामकरण

C. सामुदायिक विद्यालयको जग्गा र सम्पत्ति

D. मातृभाषामा शिक्षा

३७. नेपालको संविधानमा उल्लिखित तलका मध्ये कुन प्रावधान उल्लङ्घन भएमा कानुनी उपचारका लागि अदालतमा जान सकिन्छ ?

A. राज्यका निर्देशक सिद्धान्त

B. नागरिकका मौलिक हकहरू

C. राज्यका नीतिहरू

D. राज्यका दायित्वहरू

३८. शिक्षक सेवा आयोग नियमावली, २०५७ अनुसार तल दिइएकामध्ये शिक्षक सेवा आयोगको काम, कर्तव्य र अधिकारभित्र नपर्ने कार्य कुनचाहिँ हो ?

A. शिक्षकको स्थायी नियुक्ति तथा बढुवाको लागि सिफारिस गर्ने

B. विद्यालयमा अध्यापन गर्न चाहने व्यक्तिलाई अध्यापन अनुमतिपत्र दिने

C. अध्यापन अनुमतिपत्रको लागि लिइने परीक्षाको पाठ्यक्रम निर्धारण गर्ने

D. अध्यापन अनुमतिपत्र प्राप्त गर्न इच्छुक शिक्षकहरूलाई तालिमको व्यवस्था गर्ने

३९. शिक्षा नियमावली, २०५९ अनुसार शिक्षकको पदसङ्ख्या र श्रेणी विभाजन गर्दा कुल ४० पद हुँदा तृतीय, द्वितीय र प्रथम श्रेणीमा क्रमशः कति कति सङ्ख्या कायम हुन्छ ?

A. ३०, ८, २

B. ३०, ९, १

C. ३१, ५, १

D. ३२, ८, ०

४०. समुदाय-विद्यालयबिचको सुदृढ सम्बन्धबाट प्रत्यक्ष रुपमा सहयोग नपुग्ने पक्ष कुन हो ?

A. विद्यार्थीको सिकाइ उपलब्धि सुधार

B. विद्यालयका लागि विभिन्न स्रोत प्राप्ति

C. प्रभावकारी कक्षाकोठा व्यवस्थापन

D. विद्यालयका गतिविधिको अनुगमन तथा मूल्याङ्कन

समाप्त