लोक सेवा आयोगका सूचनाहरू
केन्द्रीय कार्यालय, कमलपोखरी
सूचना तथा प्रकाशन शाखा
निजामती सेवाका राजपत्राङ्कित प्रथम श्रेणी (अप्राविधिक/प्राविधिक) पदहरूको जेष्ठता र कार्यसम्पादन मूल्याङ्कनद्वारा हुने बढुवाको सूचना
जेष्ठता र कार्यसम्पादन मूल्याङ्कनद्वारा हुने बढुवाबाट पूर्ति गर्नुपर्ने देहायका पदका लागि निजामती सेवा ऐन, २०४९ को दफा २४ घ१क तथा कर्मचारी समायोजन ऐन, २०७५ को दफा १४ को उपदफा ४ बमोजिम सम्भाव्य उम्मेदवारहरूले लोक सेवा आयोगबाट निर्धारित दरखास्त फाराममा उल्लेखित विवरण खुलाई मिति २०८३/७/३ गते सम्ममा काठमाडौं उपत्यकाको हकमा दरखास्त व्यवस्थापन केन्द्र, अनामनगर र काठमाडौं उपत्यका बाहिरको हकमा आयोगका कार्यालयहरूमा दरखास्त दिनुहुन सूचना गरिन्छ। यसरी पर्न आएका दरखास्तहरू आयोगका कार्यालयहरूले दरखास्त व्यवस्थापन केन्द्र, अनामनगरमा पठाउनेछन् र दरखास्त व्यवस्थापन केन्द्रले प्राप्त हुन आएका दरखास्त फारामहरूलाई बढुवा सूचना नम्बर अनुसार एकमुष्ट रुपमा सम्बन्धित बढुवा समितिको सचिवालयमा पठाउने प्रवन्ध गर्नेछ।
उम्मेदवारहरूले दरखास्त दिँदा ध्यान दिनुपर्ने विषयहरू
- (क) कर्मचारी समायोजन ऐन २०७५ अनुसार सङ्घ प्रदेश र स्थानीय तहमा समायोजन भएका कर्मचारीहरू सोही ऐनको दफा १४ को उपदफा (४) बमोजिम समायोजन हुनुपूर्व बहाल रहेको सेवा/समूह/उपसमूहको एक श्रेणी वा तह माथिको पदमा बढुवाको लागि सम्भाव्य उम्मेदवार हुन सक्नेछन्।
- (ख) निजामती सेवा ऐन २०४९ को दफा २२ बमोजिम अयोग्य नभएको हुनुपर्नेछ।
- (ग) दरखास्त फाराम भर्दा राष्ट्रिय किताबखाना (निजामती) बाट आफूले पाएको सङ्केत नम्बर उल्लेख गर्नुपर्नेछ।
- (घ) समकक्षता निर्धारण गर्नुपर्ने शैक्षिक योग्यताको हकमा समकक्षता निर्धारण गरेको प्रमाणित प्रतिलिपि पेश गर्नुपर्नेछ।
- (ङ) दरखास्तसाथ बढुवा हुने पदभन्दा एक श्रेणी मुनिको पदमा सम्बन्धित सेवा, समूह वा उपसमूहसँग सम्बन्धित विषयमा एक महिना वा सोभन्दा बढी अवधिको सेवाकालीन तालिमको प्रमाणपत्रको प्रतिलिपि पेश गर्नुपर्नेछ।
- (च) दरखास्त फारामको सम्पूर्ण महलहरूमा उल्लेख भए बमोजिमका विवरणहरू स्पष्ट खुलाउनु पर्नेछ। मूल्याङ्कनको लागि गणना हुने पछिल्लो पाँच वर्षको कार्यसम्पादन मूल्याङ्कन पेश गरेको कार्यालयको नाम, हालको श्रेणीमा अध्ययन बिदा र तालिम लिएको भए सो अवधि तथा गयलकट्टी भएको भए सो समेतको विवरण छुट्टै पानामा खुलाई दरखास्त फाराम साथ पेश गर्नुपर्नेछ।
- (छ) दरखास्त फाराम पेश गर्दा आयोगको वेवसाईटमा रहेको बढुवा दरखास्त फारामसाथ संलग्न गर्नुपर्ने कागजातहरूको सूची (Check list) समेत भरी पेश गर्नुपर्नेछ।
- (ज) दरखास्त दस्तुर रु.२,५००।- (दुई हजार पाँच सय) बुझाउनु पर्नेछ।
- (झ) म्याद नाघी प्राप्त हुन आएका दरखास्त उपर कुनै कारबाही गरिने छैन।
- (ञ) दरखास्त फाराम लोक सेवा आयोगको वेबसाइट www.psc.gov.np बाट डाउनलोड गर्न सकिनेछ।
विवरण
| क्र.सं. | बढुवा सूचना नम्बर | सेवा, समूह, उपसमूह | पद संख्या |
|---|---|---|---|
| (अ) अप्राविधिकतर्फ | |||
| १. | १/०८३-८४ | प्रशासन | ५ (पाँच) |
| २. | २/०८३-८४ | लेखापरीक्षण | १ (एक) |
| (आ) प्राविधिकतर्फ | |||
| १. | ३/०८३-८४ | इञ्जिनियरिङ्ग, सिभिल, जनरल | १ (एक) |
| २. | ४/०८३-८४ | इञ्जिनियरिङ्ग, सिभिल, हाइवे | ३ (तीन) |
| ३. | ५/०८३-८४ | इञ्जिनियरिङ्ग, सिभिल, स्यानिटरी | १ (एक) |
| ४. | ६/०८३-८४ | इञ्जिनियरिङ्ग, माइनिङ्ग इञ्जिनियरिङ्ग | १ (एक) |
| ५. | ७/०८३-८४ | इञ्जिनियरिङ्ग, मेटेरियोलोजी | १ (एक) |
| ६. | ८/०८३-८४ | वन, स्वायल एण्ड वाटर कन्जरभेसन | १ (एक) |
| ७. | ९/०८३-८४ | वन, नेशनल पार्कस् एण्ड वाइल्ड लाइफ | १ (एक) |
| ८. | १०/०८३-८४ | विविध (सूचना प्रविधि) | १ (एक) |
निजामती सेवाका राजपत्राङ्कित प्रथम श्रेणी (अप्राविधिक/प्राविधिक) र स्वास्थ्य सेवाका एघारौं तहका पदहरूको कार्यक्षमताको मूल्याङ्कनद्वारा हुने बढुवाको सूचना
कार्यक्षमताको मूल्याङ्कनद्वारा हुने बढुवाबाट पूर्ति गर्नुपर्ने देहायका निजामती सेवातर्फका पदहरूका लागि निजामती सेवा ऐन, २०४९ को दफा २१ र निजामती सेवा नियमावली, २०५० को नियम ७४ (२) तथा स्वास्थ्य सेवातर्फका पदहरूका लागि नेपाल स्वास्थ्य सेवा ऐन, २०५३ को दफा २६ र नेपाल स्वास्थ्य सेवा नियमावली, २०५५ को नियम १५ र नियम ६९ बमोजिम २०८३ साल असार मसान्त सम्म बढुवाको लागि सम्भाव्य उम्मेदवारहरूले लोक सेवा आयोगबाट निर्धारित दरखास्त फाराममा उल्लेखित विवरण खुलाई मिति २०८३/७/३ गते सम्ममा काठमाडौं उपत्यकाको हकमा दरखास्त व्यवस्थापन केन्द्र, अनामनगर, काठमाडौं तथा काठमाडौं उपत्यका बाहिरको हकमा आयोगका कार्यालयहरूमा दरखास्त दिनु हुन सूचना गरिन्छ। यसरी पर्न आएका दरखास्तहरू आयोगका कार्यालयहरूले दरखास्त व्यवस्थापन केन्द्र, अनामनगर, काठमाडौंमा पठाउनेछन् र दरखास्त व्यवस्थापन केन्द्रले प्राप्त हुन आएका दरखास्त फारामहरूलाई बढुवा सूचना नम्बर अनुसार एकमुष्ट रुपमा सम्बन्धित बढुवा समितिको सचिवालयमा पठाउने प्रवन्ध गर्नेछ।
उम्मेदवारहरूले दरखास्त दिँदा ध्यान दिनुपर्ने विषयहरू
- (क) निजामती सेवा र नेपाल स्वास्थ्य सेवातर्फ कर्मचारी समायोजन ऐन २०७५ अनुसार सङ्घ, प्रदेश र स्थानीय तहमा समायोजन भएका कर्मचारीहरू सोही ऐनको दफा १४ को उपदफा (४) बमोजिम समायोजन हुनुपूर्व बहाल रहेको सेवा, समूह, उपसमूहको एक श्रेणी वा तह माथिको पदमा बढुवाको लागि सम्भाव्य उम्मेदवार हुन सक्नेछन्।
-
(ख) निजामती सेवातर्फका पदहरूको हकमा:
- निजामती सेवा ऐन, २०४९ को दफा २२ बमोजिम अयोग्य नभएको हुनुपर्नेछ।
- निजामती सेवा ऐन, २०४९ को दफा २४क, २४ख, २४ग र २४घ अनुसारको कार्यसम्पादनको मूल्याङ्कन, जेष्ठता, भौगोलिक क्षेत्रमा काम गरेको अनुभव, शैक्षिक योग्यता र तालिमको गणना निजामती सेवा ऐन, २०४९ को दफा २४ बमोजिम हुनेछ।
- महिला, आदिवासी जनजाति, मधेसी, दलित, अपाङ्ग र पिछडिएको क्षेत्रका उम्मेदवारको हकमा निजामती सेवा ऐन, २०४९ को दफा २१ को उपदफा (२) अनुसार हुनेछ।
- निजामती सेवा नियमावली, २०५० को नियम १२३ अनुसारको सेवा अवधि भएमा सो प्रमाणित भएको हुनुपर्नेछ।
-
(ग) स्वास्थ्य सेवातर्फका पदहरूको हकमा:
- स्वास्थ्य सेवातर्फका पदहरूको हकमा नेपाल स्वास्थ्य सेवा ऐन २०५३ को दफा २७ तथा नेपाल स्वास्थ्य सेवा नियमावली, २०५५ को नियम ६८ र ६९ बमोजिम बढुवाको लागि अयोग्य नभएको हुनुपर्नेछ।
- नेपाल स्वास्थ्य सेवा नियमावली, २०५५ को नियम ७२, ७३, र ७४ अनुसारको ज्येष्ठता, भौगोलिक क्षेत्रमा काम गरेको अनुभव, शैक्षिक योग्यता र तालिमको गणना नेपाल स्वास्थ्य सेवा ऐन, २०५३ को दफा २९ बमोजिम हुनेछ।
- नेपाल स्वास्थ्य सेवा नियमावली, २०५५ को नियम ११९ अनुसारको सेवा अवधि भएमा सो प्रमाणित भएको हुनुपर्नेछ।
- (घ) दरखास्त फाराम भर्दा राष्ट्रिय किताबखाना (निजामती) बाट आफूले पाएको संकेत नम्बर उल्लेख गर्नुपर्नेछ।
- (ङ) समकक्षता निर्धारण गर्नुपर्ने शैक्षिक योग्यताको हकमा समकक्षता निर्धारण गरेको प्रमाणित प्रतिलिपि पेश गर्नुपर्नेछ।
- (च) दरखास्त फारामको सम्पूर्ण महलहरूमा उल्लेख भए बमोजिमका विवरणहरू स्पष्ट खुलाउनु पर्नेछ। दरखास्त फाराम भर्दा मूल्याङ्कनको लागि गणना हुने पछिल्लो पाँच वर्षको का.स.मू. पेश गरेको कार्यालयको नाम हालको श्रेणीमा अध्ययन बिदा र तालिम लिएको भए सो अवधि तथा गयलकट्टी भएको भए सो समेतको विवरण छुट्टै पानामा खुलाई पेश गर्नुपर्नेछ।
- (छ) दरखास्त फाराम पेश गर्दा आयोगको वेवसाईटमा रहेको बढुवा दरखास्त फारामसाथ संलग्न गर्नुपर्ने कागजातहरूको सूची (Check list) समेत भरी पेश गर्नुपर्नेछ।
- (ज) दरखास्त दस्तुर रु.२,५००।- (दुई हजार पाँच सय) बुझाउनु पर्नेछ।
- (झ) म्याद नाघी प्राप्त हुन आएका दरखास्त उपर कुनै कारबाही गरिने छैन।
- (ञ) दरखास्त फाराम लोक सेवा आयोगको वेबसाइट www.psc.gov.np बाट डाउनलोड गर्न सकिनेछ।
विवरण
| क्र.सं. | सेवा, समूह, उपसमूह | बढुवा सूचना नम्बर | पद संख्या |
|---|---|---|---|
| (क) निजामती सेवातर्फ | |||
| (अ) अप्राविधिक | |||
| १. | प्रशासन | ११/०८३-८४ | ५ (पाँच) |
| २. | लेखापरीक्षण | १२/०८३-८४ | १ (एक) |
| (आ) प्राविधिक | |||
| १. | इञ्जिनियरिङ्ग, सिभिल, जनरल | १३/०८३-८४ | २ (दुई) |
| २. | इन्जिनियरिङ्ग, सिभिल, हाइवे | १४/०८३-८४ | २ (दुई) |
| ३. | इञ्जिनियरिङ्ग, सिभिल, बिल्डिङ्ग एण्ड आर्किटेक्ट | १५/०८३-८४ | १ (एक) |
| ४. | इञ्जिनियरिङ्ग, इलेक्ट्रोनिक्स एण्ड टेलिकम्युनिकेसन | १६/०८३-८४ | १ (एक) |
| ५. | कृषि, मत्स्य | १७/०८३-८४ | १ (एक) |
| ६. | वन, जनरल फरेष्ट्री | १८/०८३-८४ | १ (एक) |
| ७. | शिक्षा, शिक्षा प्रशासन | १९/०८३-८४ | १ (एक) |
| (ख) स्वास्थ्य सेवातर्फ | |||
| १. | प्रमुख कन्सल्टेण्ट नेफ्रोलोजिष्ट, स्वास्थ्य, मेडिसिन, नेफ्रोलोजी | २०/०८३-८४ | १ (एक) |
| २. | प्रमुख कन्सल्टेण्ट सर्जन, स्वास्थ्य, सर्जरी, जनरल सर्जरी | २१/०८३-८४ | १ (एक) |
| ३. | प्रमुख कन्सल्टेण्ट न्यूरो सर्जन, स्वास्थ्य, न्यूरो सर्जरी | २२/०८३-८४ | १ (एक) |
| ४. | प्रमुख कन्सल्टेण्ट डर्माटोलोजिष्ट, स्वास्थ्य, डर्माटोलोजी | २३/०८३-८४ | १ (एक) |
| ५. | प्रमुख कन्सल्टेण्ट एनेस्थेसियोलोजिष्ट, स्वास्थ्य, एनेस्थेसियोलोजी | २४/०८३-८४ | १ (एक) |
| ६. | प्रमुख कन्सल्टेण्ट अस्ट्रेटिक्स एण्ड गाइनोकोलोजिष्ट, स्वास्थ्य, अव्स्ट्रेटिक्स तथा गाइनोकोलोजी | २५/०८३-८४ | १ (एक) |
| ७. | प्रमुख कन्सल्टेण्ट मेडिकल जनरलिष्ट, स्वास्थ्य, मेडिकल जनरलिष्ट | २६/०८३-८४ | १ (एक) |
| ८. | प्रमुख कन्सल्टेण्ट प्याथोलोजिष्ट, स्वास्थ्य, प्याथोलोजी, जनरल प्याथोलोजी | २७/०८३-८४ | १ (एक) |
| ९. | प्रमुख औषधि व्यवस्थापक, स्वास्थ्य, फार्मेसी | २८/०८३-८४ | १ (एक) |
निजामती सेवाका राजपत्राङ्कित प्रथम श्रेणी (अप्राविधिक/प्राविधिक) र स्वास्थ्य सेवाका एघारौं तहको आ.प्र. तथा खुला प्रतियोगितात्मक परीक्षाको विज्ञापन
निजामती सेवा र स्वास्थ्य सेवातर्फका निम्न सेवा, समूह, उपसमूह तथा श्रेणी/तहका पदहरूमा आ.प्र. तथा खुला प्रतियोगितात्मक परीक्षाद्वारा पदपूर्ति गर्नुपर्ने भएकोले देहाय बमोजिम योग्यता पुगेका उम्मेदवारहरूवाट दरखास्त आह्वान गरिन्छ। तोकिएको न्यूनतम योग्यता पुगेका उम्मेदवारहरूले आयोगको अनलाइन दरखास्त प्रणाली psconline1.psc.gov.np मार्फत आवेदन दिनुपर्नेछ।
(क) निजामती सेवा तर्फ
| क्र.सं. | विज्ञापन नम्बर | सेवा, समूह, उपसमूह | प्रकार | माग पद संख्या | जम्मा | लिखित परीक्षा (प्रथम पत्र) | लिखित परीक्षा (द्वितीय पत्र) | लिखित परीक्षा (तृतीय पत्र) |
|---|---|---|---|---|---|---|---|---|
| (अ) अप्राविधिक (समय : दिनको १:०० बजे) | ||||||||
| १. | १६६५१/०८३-८४ | न्याय, न्याय | आ.प्र. | १ (एक) | १ (एक) | - | - | २०८३/८/७ |
| २. | १६६५२/०८३-८४ | न्याय, कानून | आ.प्र. | १ (एक) | १ (एक) | २०८३/८/५ (संयुक्त) | २०८३/८/६ (संयुक्त) | २०८३/८/८ |
| ३. | १६६५३/०८३-८४ | न्याय, सरकारी वकिल | आ.प्र. | २ (दुई) | २ (दुई) | २०८३/८/९ | ||
| ४. | १६६५४/०८३-८४ | प्रशासन | आ.प्र. | ३ (तीन) | ३ (तीन) | - | - | २०८३/८/१० |
| ५. | १६६५५/०८३-८४ | लेखापरीक्षण | आ.प्र. | १ (एक) | १ (एक) | - | - | २०८३/८/११ |
| ६. | १६६५६/०८३-८४ | न्याय, न्याय | खुला | १ (एक) | १ (एक) | - | - | २०८३/८/१४ |
| ७. | १६६५७/०८३-८४ | न्याय, सरकारी वकिल | खुला | १ (एक) | १ (एक) | २०८३/८/१२ (संयुक्त) | २०८३/८/१३ (संयुक्त) | २०८३/८/१५ |
| ८. | १६६५८/०८३-८४ | न्याय, सरकारी वकिल | दलित | १ (एक) | १ (एक) | |||
| ९. | १६६५९/०८३-८४ | प्रशासन | खुला | १ (एक) | १ (एक) | - | - | २०८३/८/१६ |
| (आ) प्राविधिक (समय : बिहान ९:०० बजे) | ||||||||
| १. | १७१५१/०८३-८४ | आर्थिक योजना तथा तथ्याङ्क, तथ्याङ्क | आ.प्र. | १ (एक) | १ (एक) | २०८३/८/१४ | २०८३/८/१५ | - |
| २. | १७१५२/०८३-८४ | इञ्जिनियरिङ्ग, सिभिल, जनरल | आ.प्र. | १ (एक) | १ (एक) | २०८३/८/१७ | २०८३/८/१८ | - |
| ३. | १७१५३/०८३-८४ | इञ्जिनियरिङ्ग, सिभिल, जनरल | खुला | १ (एक) | १ (एक) | |||
| ४. | १७१५४/०८३-८४ | इञ्जिनियरिङ्ग, सिभिल, हाइवे | आ.प्र. | १ (एक) | १ (एक) | २०८३/८/१९ | २०८३/८/२० | - |
| ५. | १७१५५/०८३-८४ | इञ्जिनियरिङ्ग, सिभिल, विल्डिङ्ग एण्ड आर्किटेक्ट | खुला | १ (एक) | १ (एक) | २०८३/८/२१ | २०८३/८/२२ | - |
| ६. | १७१५६/०८३-८४ | इञ्जिनियरिङ्ग, सर्भे | खुला | १ (एक) | १ (एक) | २०८३/८/२३ | २०८३/८/२४ | - |
| ७. | १७१५७/०८३-८४ | वन, स्वायल एण्ड वाटर कन्जरभेसन | आ.प्र. | १ (एक) | १ (एक) | २०८३/८/२५ | २०८३/८/२६ | - |
| ८. | १७१५८/०८३-८४ | शिक्षा, शिक्षा प्रशासन | आ.प्र. | १ (एक) | १ (एक) | २०८३/८/२७ | २०८३/८/२८ | - |
(ख) स्वास्थ्य सेवा तर्फ
| क्र.सं. | विज्ञापन नम्बर | सेवा, समूह, उपसमूह | प्रकार | माग पद संख्या | जम्मा | लिखित परीक्षा (प्रथम/द्वितीय पत्र) - बिहान ९:०० बजे |
|---|---|---|---|---|---|---|
| १. | १७१५९/०८३-८४ | प्रमुख कन्सल्टेण्ट जनरल फिजिसियन, स्वास्थ्य, मेडिसिन, जनरल मेडिसिन | आ.प्र. | १ (एक) | १ (एक) | २०८३/८/६ |
| २. | १७१६०/०८३-८४ | प्रमुख कन्सल्टेण्ट नेफ्रोलोजिष्ट, स्वास्थ्य, मेडिसिन, नेफ्रोलोजी | आ.प्र. | २ (दुई) | २ (दुई) | २०८३/८/७ |
| ३. | १७१६१/०८३-८४ | प्रमुख कन्सल्टेण्ट नेफ्रोलोजिष्ट, स्वास्थ्य, मेडिसिन, नेफ्रोलोजी | आ.ज. | १ (एक) | १ (एक) | |
| ४. | १७१६२/०८३-८४ | प्रमुख कन्सल्टेण्ट कार्डियोलोजिष्ट, स्वास्थ्य, मेडिसिन, कार्डियोलोजी | आ.प्र. | १ (एक) | १ (एक) | २०८३/८/८ |
| ५. | १७१६३/०८३-८४ | प्रमुख कन्सल्टेण्ट यूरो सर्जन, स्वास्थ्य, सर्जरी, यूरो सर्जरी | आ.प्र. | १ (एक) | १ (एक) | २०८३/८/५ (संयुक्त) / २०८३/८/९ |
| ६. | १७१६४/०८३-८४ | प्रमुख कन्सल्टेण्ट अर्थपिडीक सर्जन, स्वास्थ्य, सर्जरी, अथोपेडीक सर्जरी | खुला | १ (एक) | १ (एक) | २०८३/८/१० |
| ७. | १७१६५/०८३-८४ | प्रमुख कन्सल्टेण्ट अप्थल्मोलोजिष्ट, स्वास्थ्य, अप्थल्मोलोजी | आ.प्र. | १ (एक) | १ (एक) | २०८३/८/११ |
| ८. | १७१६६/०८३-८४ | प्रमुख कन्सल्टेण्ट माइक्रोवायोलोजिष्ट, स्वास्थ्य, प्याथोलोजी, माइक्रोवायोलोजी | खुला | १ (एक) | १ (एक) | २०८३/८/१२ |
द्रष्टव्यः सम्मानित सर्वोच्च अदालतबाट रिट नम्बर ०७८-WO-०६६० उपर भएको उत्प्रेषण परमादेशको आदेश बमोजिम जारी हुने सङ्घीय निजामती सेवा ऐनमा समावेशी समूहको हकमा समेत पदसंख्या निर्धारण गर्न गरिने कानूनी व्यवस्था बमोजिम हुने गरी हाललाई निजामती सेवा ऐन, २०४९ बमोजिम यो विज्ञापन सूचना प्रकाशन गरिएको छ।
परीक्षाको किसिमः-
पाठ्यक्रममा तोकिए बमोजिम लिखित, मामिला विश्लेषण तथा प्रस्तुतीकरण र अन्तर्वार्ता
लिखित परीक्षाको माध्यम भाषाः-
पाठ्यक्रममा तोकिए बमोजिम हुनेछ
परीक्षा केन्द्रः-
काठमाडौं।
दरखास्त दस्तुरः-
दरखास्त दस्तुर रु.२,५००।- (दुई हजार पाँच सय) बुझाउनु पर्नेछ र त्यस पछिका थप प्रत्येक किसिम/समूहका लागि रु.६००।- (छ सय) थप दस्तुर बुझाउनु पर्नेछ ।
दरखास्त दिने अन्तिम मितिः-
२०८३/६/२० र दोब्बर दस्तुर तिरी २०८३/६/२७ सम्म।
उम्मेदवारको उमेरको हदः-
२०८३/६/२० सम्म २१ वर्ष उमेर पुरा भै ४५ वर्ष ननाघेको
वहालवाला कर्मचारीको उमेर हदः-
• निजामती सेवाको हकमा निजामती सेवा ऐन, २०४९ को दफा १० को उपदफा (१) को खण्ड (ग) को देहाय ३ बमोजिम ।
• नेपाल स्वास्थ्य सेवाको हकमा नेपाल स्वास्थ्य सेवा ऐन, २०५३ को दफा १२ को खण्ड (ग) बमोजिम ।
सम्मानित सर्वोच्च अदालतको मिति २०७९/१०/२० गतेको अन्तरिम आदेश बमोजिम उक्त मुद्दाको अन्तिम टुंगो नलागे सम्मका लागि लोक सेवा आयोगले मिति २०७६/२/१५ गते विज्ञापन प्रकाशन गरी स्थानीय तहका लागि लिएको परीक्षाबाट सिफारिस भई हाल कार्यरत बहालवाला सरकारी कर्मचारीको हकमा समेत निजामती सेवाका विज्ञापित पदमा उमेर हद लाग्ने छैन। यस्ता उम्मेदवारले सो व्यहोराको निवेदन अनलाइन दरखास्त प्रणालीको अनुभव (Experience) खण्डमा अपलोड गर्नुपर्नेछ।
• नेपाल स्वास्थ्य सेवाको हकमा नेपाल स्वास्थ्य सेवा ऐन, २०५३ को दफा १२ को खण्ड (ग) बमोजिम ।
सम्मानित सर्वोच्च अदालतको मिति २०७९/१०/२० गतेको अन्तरिम आदेश बमोजिम उक्त मुद्दाको अन्तिम टुंगो नलागे सम्मका लागि लोक सेवा आयोगले मिति २०७६/२/१५ गते विज्ञापन प्रकाशन गरी स्थानीय तहका लागि लिएको परीक्षाबाट सिफारिस भई हाल कार्यरत बहालवाला सरकारी कर्मचारीको हकमा समेत निजामती सेवाका विज्ञापित पदमा उमेर हद लाग्ने छैन। यस्ता उम्मेदवारले सो व्यहोराको निवेदन अनलाइन दरखास्त प्रणालीको अनुभव (Experience) खण्डमा अपलोड गर्नुपर्नेछ।
दरखास्त दस्तुर बुझाउने विधि र स्थानः-
दरखास्त दस्तुर आयोगको अनलाईन दरखास्त प्रणालीमार्फत विद्युतीय माध्यमबाट सोझै वा Master ID र कारोवार संकेत नम्बर उल्लेख भएको बैंक भौचर प्रिन्ट गरी तोकिएका बैंकबाट नगद समेत बुझाउन सकिनेछ ।
दरखास्त दस्तुर बुझाउने अवधिः-
तोकिएको परीक्षा दस्तुर वा दोब्बर दस्तुर ढिलोमा २०८३/६/२८ गते सम्ममा बुझाई सक्नुपर्नेछ ।
अपलोड गर्नुपर्ने कागजातहरूः-
उम्मेदवारले शैक्षिक योग्यता, तालिम, अनुभव, व्यवसाय अनुमति प्रमाणपत्र लगायत सम्बन्धित विज्ञापनका लागि तोकिएका सम्पूर्ण कागजपत्र अनलाईन दरखास्त प्रणालीको तोकिएको स्थानमा अपलोड गर्नु पर्नेछ। दरखास्तमा उल्लेख गरेको विवरणका सम्बन्धमा उम्मेदवार स्वयं पूर्ण जवाफदेही हुनुपर्नेछ ।
अन्तर्वार्ता अघिका परीक्षा कार्यक्रम र अन्तर्वार्ता हुने मितिः
लिखित परीक्षाको नतिजा प्रकाशन गर्दा सूचना गरिनेछ।
पदमा रही गर्नुपर्ने कामको विवरणः-
सेवा, समूह, उपसमूह सम्बन्धी।
तलबः-
प्रचलित कानून बमोजिम
सेवासम्बन्धी निकायः-
सेवा, समूह, उपसमूहको प्रशासन सञ्चालन गर्न तोकिएका सम्बन्धित निकायहरू।
निजामती सेवातर्फका पदका लागि आवश्यक न्यूनतम योग्यता
क) आ.प्र.को लागि
- निजामती सेवा ऐन, २०४९ को दफा २१ को उपदफा (१) बमोजिम तोकिएको शैक्षिक योग्यता र सेवा अवधि पुरा गरेको हुनुपर्नेछ। तर महिला, आदिवासी/जनजाति, मधेसी, दलित, अपाङ्ग र पिछडिएको क्षेत्रमा स्थायी बसोबास भएका निजामती कर्मचारीको हकमा सो सेवा अवधिमा १ वर्ष कम भए पनि हुनेछ।
- निजामती सेवा नियमावली, २०५० को नियम ८७ बमोजिम राजपत्राङ्कित द्वितीय श्रेणीको पदमा कार्यरत सम्बन्धित सेवाका निजामती कर्मचारी उम्मेदवार हुन सक्नेछन्।
(ख) खुलाको लागि
सम्बन्धित विषयमा स्नातकोत्तर उपाधि प्राप्त गरेको र कुनै सरकारी सेवा वा प्रचलित कानून बमोजिम दर्ता भएको संगठित संस्था वा अन्तर्राष्ट्रिय सङ्घ, संस्थाको अधिकृतस्तरको पदमा सात वर्षको अनुभव प्राप्त गरेको हुनुपर्नेछ। तर विद्यावारिधि स्तरको उपाधि प्राप्त गरेको व्यक्तिको हकमा अनुभवको अवधि दुई वर्षले कम हुनेछ।
खुलातर्फका प्रत्येक पदहरूको आवश्यक न्यूनतम शैक्षिक योग्यता
- नेपाल न्याय सेवा, न्याय, कानून र सरकारी वकिल समूहः मान्यता प्राप्त शिक्षण संस्थाबाट कानूनमा स्नातकोत्तर उपाधि प्राप्त।
- नेपाल प्रशासन सेवाः मान्यता प्राप्त शिक्षण संस्थाबाट कला (आर्टस्), संस्कृत, व्यवस्थापन, वाणिज्यशास्त्र, व्यापार प्रशासन, जनप्रशासन, शिक्षा शास्त्र, कानून वा विज्ञानमा स्नातकोत्तर उपाधि प्राप्त।
- नेपाल इञ्जिनियरिङ्ग सेवा, सिभिल समूह, जनरल उपसमूहः मान्यता प्राप्त शिक्षण संस्थाबाट सिभिल इञ्जिनियरिङ्ग विषयमा कम्तिमा स्नातकोत्तर उपाधि प्राप्त।
- नेपाल इञ्जिनियरिङ्ग सेवा, सिभिल समूह, बिल्डिङ्ग एण्ड आर्किटेक्ट उपसमूहः मान्यता प्राप्त शिक्षण संस्थाबाट आर्किटेक्चरल वा सिभिल वा विल्डिङ्ग वा स्ट्रक्चरल वा टाउन प्लानिङ्ग वा स्ट्रक्चर वा क्वान्टिटी सर्भे वा अर्वन प्लानिङ विषयमा कम्तिमा स्नातकोत्तर उपाधि प्राप्त।
- नेपाल इञ्जिनियरिङ्ग सेवा, सर्भे समूहः राजपत्राङ्कित तृतीय श्रेणीको नापी अधिकृत वा सो सरहको पदको लागि तोकिएको न्यूनतम शैक्षिक योग्यता पुगेको र मान्यता प्राप्त शिक्षण संस्थाबाट सर्भे वा जियोमेटिक्स सँग सम्बन्धित विषयमा स्नातकोत्तर तह वा सो सरह उत्तीर्ण।
स्वास्थ्य सेवातर्फका पदका लागि आवश्यक न्यूनतम योग्यता
क) आ.प्र.का लागि
- नेपाल स्वास्थ्य सेवा ऐन, २०५३ को दफा २६ बमोजिमको सेवा अवधि पूरा गरी नेपाल स्वास्थ्य सेवा नियमावली, २०५५ को अनुसूची ७ मा तोकिएका आवश्यक न्यूनतम योग्यता पुगेका स्वास्थ्य सेवाका कर्मचारी हुनुपर्नेछ।
- नेपाल स्वास्थ्य सेवा ऐन, २०५३ को दफा १२ बमोजिम अयोग्य नभएको हुनुपर्नेछ।
- दरखास्त दिने उम्मेदवारहरू आफ्नो सेवा, समूह सम्बन्धी व्यावसायिक परिषद्मा दर्ता भई म्याद कायम रहेको हुनुपर्नेछ।
- राष्ट्रिय चिकित्सा शिक्षा ऐन, २०७५ को दफा ३८ अनुसार छात्रवृत्तिमा अध्ययन गरी कबुलियतनामा बमोजिम सेवा गरिरहेका उम्मेदवारको हकमा राष्ट्रिय चिकित्सा शिक्षा नियमावलीको नियम २२ को उपनियम (५) बमोजिमको अवधि पूरा भएको प्रमाण पेश गर्नुपर्नेछ।
आ.प्र. तर्फका प्रत्येक पदहरूको लागि आवश्यक न्यूनतम शैक्षिक योग्यता
- प्रमुख कन्सल्टेण्ट जनरल फिजिसियन, स्वास्थ्य, मेडिसिन, जनरल मेडिसिनः मान्यता प्राप्त शिक्षण संस्थाबाट एम.बी.बी.एस. वा सो सरहको उपाधि प्राप्त गरी जनरल वा इन्टरनल मेडिसिनमा स्नातकोत्तर उपाधि प्राप्त।
- प्रमुख कन्सल्टेण्ट नेफ्रोलोजिष्ट, स्वास्थ्य, मेडिसिन, नेफ्रोलोजीः मान्यता प्राप्त शिक्षण संस्थाबाट एम.बी.बी.एस. वा सो सरहको उपाधि प्राप्त गरी नेफ्रोलोजीमा स्नातकोत्तर उपाधि प्राप्त वा इन्टरनल मेडिसिनमा स्नातकोत्तर उपाधि पछि नेफ्रोलोजीमा पोष्ट ग्राजुयट डिप्लोमा वा सो सरह।
- प्रमुख कन्सल्टेण्ट कार्डियोलोजिष्ट, स्वास्थ्य, मेडिसिन, कार्डियोलोजीः मान्यता प्राप्त शिक्षण संस्थाबाट एम.बी.बी.एस. वा सो सरहको उपाधि प्राप्त गरी कार्डियोलोजीमा स्नातकोत्तर उपाधि प्राप्त वा इन्टरनल मेडिसिनमा स्नातकोत्तर उपाधि पछि कार्डियोलोजीमा पोष्ट ग्राजुयट डिप्लोमा वा सो सरह।
- प्रमुख कन्सल्टेण्ट यूरो सर्जन, स्वास्थ्य, सर्जरी, यूरो सर्जरीः मान्यता प्राप्त शिक्षण संस्थाबाट एम.बी.बी.एस. वा सो सरहको उपाधि प्राप्त गरी यूरो सर्जरीमा स्वातकोत्तर उपाधि प्राप्त वा जनरल सर्जरीमा स्नातकोत्तर उपाधि पछि यूरो सर्जरीमा डिप्लोमा वा सो सरह।
- प्रमुख कन्सल्टेण्ट अप्थल्मोलोजिष्ट, स्वास्थ्य, अप्थल्मोलोजीः मान्यता प्राप्त शिक्षण संस्थाबाट एम.बी.बी.एस. वा सो सरहको उपाधि प्राप्त गरी अप्थल्मोलोजीमा स्नातकोत्तर वा पोष्ट ग्राजुयट डिप्लोमा वा सो सरह।
(ख) खुलाको लागि
- नेपाल स्वास्थ्य सेवा नियमावली, २०५५ को अनुसूची-६ मा उल्लेखित न्यूनतम योग्यता प्राप्त गरेको र सम्बन्धित क्षेत्रको अधिकृतस्तरमा सात वर्ष अनुभव प्राप्त गरेको हुनुपर्नेछ। तर विद्यावारिधि स्तरको उपाधि प्राप्त गरेको व्यक्तिको हकमा अनुभवको अवधि दुई वर्षले कम हुनेछ।
- नेपाल स्वास्थ्य सेवा ऐन, २०५३ को दफा १२ बमोजिम अयोग्य नभएको हुनुपर्नेछ।
- दरखास्त दिने उम्मेदवारहरू आफ्नो सेवा, समूह सम्बन्धी व्यावसायिक परिषद्मा दर्ता भई म्याद कायम रहेको हुनुपर्नेछ।
- राष्ट्रिय चिकित्सा शिक्षा ऐन, २०७५ को दफा ३८ अनुसार छात्रवृत्तिमा अध्ययन गरी कबुलियतनामा बमोजिम सेवा गरिरहेका उम्मेदवारको हकमा राष्ट्रिय चिकित्सा शिक्षा नियमावलीको नियम २२ को उपनियम (५) बमोजिमको अवधि पूरा भएको प्रमाण पेश गर्नुपर्नेछ।
खुलातर्फका प्रत्येक पदहरूको आवश्यक न्यूनतम शैक्षिक योग्यता
- प्रमुख कन्सल्टेण्ट नेफ्रोलोजिष्ट, स्वास्थ्य, मेडिसिन, नेफ्रोलोजीः मान्यता प्राप्त शिक्षण संस्थाबाट नेफ्रोलोजीमा स्नातकोत्तर उपाधि प्राप्त।
- प्रमुख कन्सल्टेण्ट अर्थपिडीक सर्जन, स्वास्थ्य, सर्जरी, अर्थोपेडीक सर्जरीः मान्यता प्राप्त शिक्षण संस्थाबाट अर्थोपेडीक सर्जरीमा स्नातकोत्तर उपाधि प्राप्त।
- प्रमुख कन्सल्टेण्ट माइक्रोवायोलोजिष्ट, स्वास्थ्य, प्याथोलोजी, माइक्रोवायोलोजीः मान्यता प्राप्त शिक्षण संस्थाबाट एम.बी.बी.एस. वा सो सरह उपाधि प्राप्त गरी माइक्रोबायोलोजी वा व्याक्ट्रीयोलोजीमा स्नातकोत्तर उपाधि प्राप्त।
सबै उम्मेदवारका लागि थप सर्त तथा निर्देशनहरू
- दरखास्त दिन चाहने उम्मेदवारले विज्ञापनमा तोकिएका कागजातहरू दरखास्त दिने समयमा तयार गरी पेश गर्नुपर्दछ। लिखित परीक्षाको नतिजाबाट अन्तर्वार्ताको लागि छनौट भएपछि अन्तर्वार्ता दिन आउँदा त्यस्ता कागजातहरूको सक्कल सहित आफैले प्रमाणित गरेको नक्कल समेत साथमा लिई आउनु पर्दछ। उल्लेखित कागजातहरू दरखास्त दिने समयमा नै उम्मेदवारसँग रहेको नभएमा जुनसकै समय दरखास्त रद्द हुन सक्नेछ।
- दरखास्त दिने अन्तिम मितिभित्र निर्धारित शैक्षिक योग्यता हासिल गरिसकेको हुनुपर्नेछ। विदेशी संस्थामा अध्ययन गरेका उम्मेदवारहरूले सोही मिति भित्र सम्बन्धित निकायबाट आफूले प्राप्त गरेको उपाधिको समकक्षता निर्धारण गराएको हुनुपर्नेछ।
- आयोगबाट प्रकाशित विज्ञापनको दरखास्त फाराम भर्ने म्यादभित्र विश्वविद्यालयबाट परीक्षाको नतिजा प्रकाशन भएको तर मूल प्रमाणपत्र जारी भै नसकेको अवस्थामा अध्ययन गरेको संस्थाबाट निज उम्मेदवार उत्तीर्ण भएको व्यहोरा लेखिएको पत्रसाथ उत्तीर्ण गरिसकेको (सबै वर्ष सेमेष्टरका परीक्षा, थेसिस, प्राक्टिकल समेत) का मार्कसिटहरू समेत संलग्न राखी दरखास्त फाराम पेश गर्न सकिनेछ। त्यसरी दरखास्त फाराम पेश गर्ने उम्मेदवारले दरखास्त पेश गरेको पदका लागि आवश्यक योग्यताका मूल प्रमाणपत्रहरू जारी हुनासाथ अपलोड गर्नुपर्नेछ।
-
समावेशी समूहतर्फ दरखास्त दिने उम्मेदवारहरूको लागि आवश्यक पर्ने थप कागजातहरू:
- क) आदिवासी/जनजातिका हकमाः नेपाल आदिवासी/जनजाति उत्थान राष्ट्रिय प्रतिष्ठान ऐनमा सूचिकृत भएको जातिको हकमा सोही सूचीको आधारमा, तर नेपाल आदिवासी/जनजाति उत्थान राष्ट्रिय प्रतिष्ठान ऐनमा सूचिकृत भएको जाति भित्र एकभन्दा बढी थरहरू भएमा सम्बन्धित स्थानीय तहको प्रमुखको सिफारिशमा प्रमुख जिल्ला अधिकारीबाट सूचिकृत भएको जाति भित्रको थर भनी प्रमाणित गराएको कागजात।
- ख) दलितका हकमाः राष्ट्रिय दलित आयोगबाट सूचिकृत भएको जातिको हकमा सोही सूचीको आधारमा, तर, राष्ट्रिय दलित आयोगबाट सूचिकृत भएको जाति भित्र एकभन्दा बढी थरहरू भएमा सम्बन्धित स्थानीय तहको प्रमुखको सिफारिशमा प्रमुख जिल्ला अधिकारीबाट सूचिकृत भएको जाति भित्रको थर भनी प्रमाणित गराएको कागजात।
- ग) अपाङ्गका हकमाः समाज कल्याण परिषदबाट जारी भएको अपाङ्गता परिचयपत्र वा अपाङ्गता भएको व्यक्तिको अधिकार सम्बन्धी ऐन, २०७४ को दफा ४ को उपदफा (३) बमोजिम अपाङ्गताको वर्गीकरण उल्लेख गरी सम्बन्धित स्थानीय तहबाट जारी भएको अपाङ्गता परिचयपत्र।
- घ) मधेशीका हकमाः नेपाल सरकारले नेपाल राजपत्रमा सूचना प्रकाशन गरी तोके बमोजिमको संस्थाबाट मधेशी भनी प्रमाणित गरेको कागजात, तर नेपाल राजपत्रमा सूचना प्रकाशन गरी संस्था नतोके सम्म सम्बन्धित स्थानीय तहको प्रमुखको सिफारिशमा प्रमुख जिल्ला अधिकारीबाट मधेशी भनी प्रमाणित गराएको कागजात।
- ङ) पिछडिएको क्षेत्रका हकमाः निजामती सेवा ऐन, २०४९ को दफा ७ को उपदफा (७) तथा स्वास्थ्य सेवा ऐन, २०५३ को दफा ८ को उपदफा (५) को स्पष्टिकरण खण्ड (१) मा उल्लेख भएका जिल्लामा स्थायी बसोबास उल्लेख गरी सम्बन्धित जिल्लाबाट प्राप्त गरिएको नागरिकताको प्रमाणपत्र तथा सम्बन्धित स्थानीय तहबाट हाल सोही स्थानमा स्थायी बसोवास भएको भनी दरखास्त पेश गर्ने अन्तिम मिति भन्दा ३ महिना अगाडी सम्मको मितिमा जारी भएको सिफारिस सम्बन्धी प्रमाणित कागजात।
- च) स्थायी बसोवास भएको जिल्ला बाहेक अन्यत्र जिल्लाबाट नागरिकता लिएको भएमा सो कारण उल्लेख भएको पत्र नागरिकता जारी गर्ने जिल्ला प्रशासन कार्यालयबाट लिएको, निजामती सेवा ऐन, २०४९ को दफा ७ को उपदफा (७) तथा स्वास्थ्य सेवा ऐन, २०५३ को दफा ८ को उपदफा (५) मा उल्लेख भएको जिल्लामा विवाह गरी वा बसाइँसराइ गरी गएको भएमा विवाहको हकमा विवाह दर्ता प्रमाणपत्र र बसाइँसराइको हकमा छाडेको र गएको स्थानीय तहको बसाइँसराइ गरेको खुल्ने कागजात।
-
खुलातर्फ दरखास्त दिन चाहने उम्मेदवारहरूको अनुभव र सो प्रमाणित गर्ने कागजातः
-
(क) देहाय बमोजिमको निकायमा रही अधिकृतस्तरमा काम गरेको अनुभव सम्बन्धमा त्यस्तो पदको नियुक्तिपत्र वा करारनामा र सेवा अवधि प्रमाणित गरिएको सम्बन्धित निकायको पत्र पेश गर्नुपर्नेछ। सो बाहेक राष्ट्रिय तथा अन्तर्राष्ट्रिय गैह्रसरकारी संस्था लगायतका अन्य निकायको अनुभव पेश गरेकोमा नियुक्तिपत्र वा करारनामा र सेवा प्रमाणित गरिएको सम्बन्धित निकायको पत्रको अतिरिक्त त्यस्तो निकायमा अधिकृतस्तरका कर्मचारी भर्नाको प्रक्रिया, योग्यता, संगठन, संरचना लगायत कर्मचारीको सेवाका सर्त समेतका विषय समावेश गरिएको नियम वा विनियम वा निर्देशिका वा कार्यविधिमा भएको व्यवस्था बमोजिम अधिकृतस्तरमा भर्ना भएको यकिन हुने अनुभवलाई मात्र मान्यता दिइनेछ।
- निजामती तथा अन्य सरकारी निकाय
- नेपाल सरकारको पूर्ण वा आंशिक स्वामित्वमा सञ्चालित संगठित संस्था
- विकास समिति ऐन, २०१३ बमोजिम गठित विकास समिति
- ऐनद्वारा स्थापित संस्था वा निकाय
- संयुक्त राष्ट्र सङ्घ, यसका अङ्ग तथा विशिष्टिकृत निकाय
- अन्तरसरकारी अन्तर्राष्ट्रिय सङ्गठनहरू
- विश्वविद्यालयको आङ्गिक क्याम्पस
- सामुदायिक विद्यालय वा क्याम्पस
- (ख) सरकारी कर्मचारीले अन्य सङ्गठित संस्थामा काम गरेको अनुभव पेश गरेमा नेपाल सरकारको पूर्व स्वीकृतिको पत्र तथा सो अवधिको विदा स्वीकृतिको पत्र भएमा मात्र त्यस्तो अनुभवलाई मान्यता दिइनेछ।
- (ग) एउटै अवधिमा दुई वा सोभन्दा बढी निकायमा काम गरेको भएमा पुरा समय काम गरेको कुनै एकको अनुभव मात्र गणना गरिनेछ।
- (घ) नियुक्तिपत्र वा करारनामामा नै आंशिक रुपमा काम गर्ने उल्लेख भएकोमा सो अनुभवलाई मान्यता दिइने छैन।
- (ङ) एकवर्ष भन्दा कम अवधिको अस्थायी वा करार सेवाको अनुभवलाई गणना गरिने छैन।
- (च) सहायक स्तरमा पदाधिकार रही अधिकृत स्तरमा कायम मुकायम वा निमित्त भई सेवा गरेको अनुभवलाई मान्यता दिइने छैन।
- (छ) आवेदन दिने सेवा, समूहको राजपत्राङ्कित तृतीय श्रेणी वा सो सरहको पदका लागि तोकिएको न्यूनतम शैक्षिक योग्यता हासिल गरेपछिको अधिकृतस्तरको अनुभवलाई मात्र मान्यता प्रदान गरिनेछ।
- (ज) नियुक्तिपत्र वा करारनामामा उल्लेखित पदनामबाट अधिकृत स्तर नखुलेकोमा सम्बन्धित निकायले सो पद अधिकृत स्तरको भनी प्रमाणित गरेको पत्र पेश गर्नुपर्नेछ।
- (झ) माथि उल्लेखित प्रमाण खुल्ने कागजातहरू दरखास्त दिने समयमा नै उम्मेदवारसँग रहेको नभएमा जुनसकै समय दरखास्त रद्द हुनेछ।
- (ञ) MBBS र MD उत्तीर्ण गरेका उम्मेदवारहरू दरखास्त दिने अन्तिम मिति सम्ममा नेपाल मेडिकल काउन्सिलमा दर्ता भई म्याद कायम रहेको हुनुपर्नेछ।
- (ट) MD (Doctor of Medicine) तथा DM (Doctorate of Medicine) Residential अध्ययन गर्दाको अवधिलाई समेत अनुभव अवधिका रुपमा गणना गरिनेछ।
- (ठ) अनुभवको अवधि आवश्यक पर्ने उम्मेदवारहरूको हकमा सम्बन्धित पदको लागि तोकिएको दरखास्त दिन पाउने अन्तिम मिति सम्ममा न्यूनतम सेवा अवधि पूरा भएको हुनुपर्नेछ।
-
(क) देहाय बमोजिमको निकायमा रही अधिकृतस्तरमा काम गरेको अनुभव सम्बन्धमा त्यस्तो पदको नियुक्तिपत्र वा करारनामा र सेवा अवधि प्रमाणित गरिएको सम्बन्धित निकायको पत्र पेश गर्नुपर्नेछ। सो बाहेक राष्ट्रिय तथा अन्तर्राष्ट्रिय गैह्रसरकारी संस्था लगायतका अन्य निकायको अनुभव पेश गरेकोमा नियुक्तिपत्र वा करारनामा र सेवा प्रमाणित गरिएको सम्बन्धित निकायको पत्रको अतिरिक्त त्यस्तो निकायमा अधिकृतस्तरका कर्मचारी भर्नाको प्रक्रिया, योग्यता, संगठन, संरचना लगायत कर्मचारीको सेवाका सर्त समेतका विषय समावेश गरिएको नियम वा विनियम वा निर्देशिका वा कार्यविधिमा भएको व्यवस्था बमोजिम अधिकृतस्तरमा भर्ना भएको यकिन हुने अनुभवलाई मात्र मान्यता दिइनेछ।
- स्वास्थ्य सेवातर्फ दरखास्त दिने उम्मेदवारहरूले दरखास्त व्यवस्थापन केन्द्रमा बुझाउनु पर्ने कागजातः- स्वास्थ्य सेवातर्फ आ.प्र. तथा खुला तर्फका पदहरूमा अनलाईन दरखास्त दिने उम्मेदवारहरूले आफूले दरखास्तमा उल्लेख गरेका कागजातहरूको प्रतिलिपि पेश गर्ने विषयको चेकलिष्ट लोक सेवा आयोगको वेवसाइट www.psc.gov.np को डाउनलोड मेनुबाट डाउनलोड गरी उक्त चेकलिष्टमा उल्लेखित कागजपत्रहरूको प्रतिलिपि एक/एक प्रति उम्मेदवार स्वयंले प्रमाणित गरी चेकलिष्टसमेत भरी फाइलमा संलग्न गरी दरखास्त दिने अन्तिम मितिको ७ (सात) दिन भित्र रुजु प्रयोजनका लागि दरखास्त व्यवस्थापन केन्द्र, अनामनगर काठमाडौंमा बुझाउनु पर्नेछ। यसरी रुजु भएपछि सम्बन्धित पदका लागि योग्य ठहरिएका उम्मेदवारको मात्र दरखास्त स्वीकृत गरिनेछ।
- दरखास्त दिने दोब्बर दस्तुरको म्यादलाई उमेर, शैक्षिक योग्यता, अनुभव अवधि र अन्य योग्यताको प्रयोजनको लागि गणना गरिने छैन।
- आयोगद्वारा तोकिएको म्यादभित्र पेश नभएको वा न्यूनतम योग्यता नपुगेको वा तोकिएको अन्य विवरण नखुलेको वा तोकिएको दस्तुर नबुझाएको दरखास्त स्वीकृत गरिने छैन।
- सहयोगी लेखक माग गर्ने उम्मेदवारले लिखित परीक्षा शुरु हुनु भन्दा कम्तीमा १० (दश) दिन अगावै आयोगको सम्बन्धित कार्यालयमा सम्पर्क राखुपर्नेछ। अन्यथा सहयोगी लेखक उपलब्ध गराउन आयोग बाध्य हुने छैन।
- लिखित परीक्षामा उत्तीर्ण हुने उम्मेदवारले अन्तर्वार्ता दिनु भन्दा अगाडी शैक्षिक योग्यताको प्रमाणपत्र, नागरिकता, सेवाको अनुभव आवश्यक पर्नेमा सम्बन्धित कार्यालय प्रमुखबाट प्रमाणित गराएको सक्कल प्रति तथा खुलातर्फ दरखास्त दिने उम्मेदवारको लागि पेश गर्नुपर्ने भनि उल्लेख गरिएका काजगातहरूको सक्कलका साथै नक्कल प्रतिलिपि पेश गर्नु पर्नेछ।
- परीक्षामा परीक्षार्थीले कालो मसीको मात्र प्रयोग गर्नुपर्नेछ अन्यथा उत्तरपुस्तिका रद्द हुनेछ।
- परीक्षा प्रयोजनका लागि उम्मेदवारले आयोगबाट तोकिएका सर्त र निर्देशनको पालना गर्नुपर्नेछ।
- पाठ्यक्रममा उल्लेखित परीक्षा योजनाको विषयमा उम्मेदवार स्वयं जानकार हुनुपर्नेछ।
- पाठ्यक्रम आयोगको वेबसाइट www.psc.gov.np बाट प्राप्त गर्न सकिनेछ।